wazzanMath Learning Lab

حل سريع، شرح بذمة وضمير، اهتمام بالطلاب ومساعدتهم بشتى الطرق. أشكر المهندس رضوان الشامي على جهده وتعبه وفي ميزان حسناته.

المدرب ممتاز جدًا جدًا وشرحه مميز ومفهوم وسهل. الدورة ما تحتاج وصف، كل شي مرتب وخيال.

شرحه جدًا مفهوم وواضح، والدورة جدًا فادتني بأشياء كنت ناسيها.

سهولة طرق الحل وأنها محدودة مو كثيرة عشان لا نتشتت، سرعة طرق الحل، أيام الراحة بين الدورة، كثرة المسائل المشروحة والأفكار وقت الدورة، وطريقة تنظيم وقت الأستاذ حيل مريحة وحلوة.

الدورة وايد ساعدتني إن أحل ماث بطريقة وايد أسهل وإن أفكر أسرع. والكوتش كان عجيب.

الأستاذ وايد طيب ويطمّن الطلبة ويحاول يساعدهم إنهم ما يخافون أو يتوترون. كل شي بسيط وغير معقد، وفي ضحك بين الطلاب والمدرس، مو بس تقعد تحل وتمشي.

والله وايد أمور حلوة، منها كيفية إدارة الحصة عن الأستاذة جزاها الله خير ما قصرت. ودورة الوزان سهّلت علي الأمور وأنا كنت معقّدها، معاكم رتبت ودرست عدل.

المدرب يشرح بطريقة واضحة ومفهومة، والدورة بشكل عام ساعدتني مع التدريب والفهم.

وايد مفيدة الدورة، لمّت كل المعلومات المهمة والمطلوبة مرتبة. الحلو إن فيها خطة واضحة ومشروحة، والمذكرة بعد مرتبة أقدر أوصل لِلّي أبيه بسهولة.